"Бес адам қаза тапты". Атырау облысында жантүршігерлік жол апаты болды
!["Бес адам қаза тапты". Атырау облысында жантүршігерлік жол апаты болды](/userdata/news/news_73550/image_l.jpg)
Фото:
Polisia.kz
Атырау облысында жол апаты болып, бес адам қаза тапты, - деп хабарлайды Polisia.kz.
"22 қазанда сағат 15.00 шамасында Қызылқоға ауданында Сағыз-Миялы облыстық тасжолында Toyota Ipsum және Lada Granta автокөліктері соқтығысты. Toyota Ipsum көлігінде болған 3 жолаушы және Lada Granta автокөлігіндегі 2 жолаушы оқиға орнында қаза тапты. 3 адам түрлі дене жарақатымен аудандық ауруханаға жеткізілді", - деді Қызылқоға аудандық полиция бөлімі бастығының бірінші орынбасары Бауыржан Макеев.
Полиция қызметкерлері оқиға орнында қызмет атқарып жатыр. Жол-көлік оқиғасына қатысты тергеу басталды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек