Белгілі бір дәрежеде қозғала алмайды - адвокат Біртановтың денсаулығы сыр бергенін айтты
![Белгілі бір дәрежеде қозғала алмайды - адвокат Біртановтың денсаулығы сыр бергенін айтты](/userdata/news/news_76462/image_l.jpg)
Адвокат бұрынғы денсаулық сақтау министрі Елжан Біртановтың қамауда болған кезде басталған ауруы асқынғанын мәлімдеді, - деп хабарлайды Massaget.kz тілшісі.
"Кеше таңертең Елжан Амантайұлының тергеу изоляторында басталған ауруы асқынып кетті. Бұл бірінші рет емес, оған бірнеше рет шұғыл операция ұсынылғанын білеміз. Бірақ ол белгілі бір ойға, жағдайларға байланысты кейінге қалдырды. Ал қазір бұл жағдай қайталанып отыр, ол қазір белгілі бір дәрежеде қозғала алмайды", - деді адвокат Нұрлан Бейсекеев.
Еңбекке уақытша жарамсыздық парағына сәйкес, ауырып жатқанын растайтын құжат 6 қаңтарға дейін ашылған.
"Елжан Амантайұлының қатысуы міндетті болғандықтан, сот процесін шегеруді сұрар едім", - деген адвокат.
Нәтижесінде сот отырысы 6 қаңтарға шегерілген.
Еске салайық, бұған дейін экс-министр Біртанов сотта соңғы сөзін айтқан болатын.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова