Бектенов Цифрлық даму министрлігінің ұжымына жаңа министрді таныстырды
![Бектенов Цифрлық даму министрлігінің ұжымына жаңа министрді таныстырды](/userdata/news/news_106823/image_l.jpg)
Олжас Бектенов ұжымға ҚР цифрлық даму, инновациялар және аэроғарыш өнеркәсібі министрін таныстырды, - деп хабарлайды Massaget.kz тілшісі Үкіметтің баспасөз қызметіне сілтеме жасап.
Премьер-министр Олжас Бектенов ҚР Цифрлық даму, инновациялар және аэроғарыш өнеркәсібі министрлігінің ұжымына Мемлекет басшысының Жарлығымен тағайындалған ведомствоның жаңа басшысы Жаслан Мәдиевті таныстырды.
Олжас Бектенов жаңа министрге ведомство алдында тұрған маңызды міндеттерді белгіледі.
ЦДИАӨМ-ге жасанды интеллект технологияларын кеңінен қолдану, ІТ-қызметтердің экспортын ұлғайту мақсатында табысты стартаптарды дайындау үшін қолайлы орта құру жұмысын жалғастыру, сондай-ақ ақпараттық қауіпсіздікті қамтамасыз ету шараларын күшейту тапсырылды.
Еске салайық, бұған дейін Бағдат Мусиннің орнына цифрлық даму, инновациялар және аэроғарыш өнеркәсібі министрі лауазымына Жаслан Мәдиев тағайындалғанын хабарлаған едік.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан