Бектенов Эмомали Рахмонды әуежайдан күтіп алды

Тәжікстан президенті Эмомали Рахмон Орталық Азия мемлекеттері басшыларының VI консультативтік кездесуі мен "Орталық Азия + Жапония" диалогы мемлекеттері басшыларының бірінші саммитіне қатысады, - деп хабарлайды Massaget.kz тілшісі.

Тәжікстан басшысын ҚР премьер-министрі Олжас Бектенов әуежайда күтіп алды. 

Бүгінде елдер тауар айналымын одан әрі арттыруға күш салуда. Биылғы қаңтар-маусым айларында екі ел арасындағы өзара сауда көлемі $575,7 млн-ды құрады, бұл ретте қазақстандық тауарлар экспорты 18,9%-ға артты.

Екіжақты өзара іс-қимылдың стратегиялық бағыттарының бірі – су қатынастары саласы. Тәжікстанда Рогун су электр стансасын салу жөніндегі энергетикалық жоба бүкіл Орталық Азия аймағына мультипликативті әсер береді.

Аптаның басты оқиғалары мен пайдалы видеоларды көру үшін YouTube арнамызға жазылыңыз