Үкіметте экономикаға инвестиция тарту қарқыны қаралды, - деп хабарлайды Massaget.kz тілшісі.
Өңірлер бойынша көрсеткіш
- Атырау облысында негізгі капиталға инвестициялар (НКИ) жөніндегі жоспардың орындалу көлемі 42,8% болған.
- Ұлытау облысында ірі компанияларға тәуелділік сақталып, НКИ бойынша көрсеткіш 61,5% болып отыр. Өңірге орта кәсіпорындармен жұмысты күшейту тапсырылды.
- Абай облысында НКИ бойынша көрсеткіш - 70,4%, тікелей шетелдік инвестиция бойынша көрсеткіш - 26,2%. Жабдықтарды жеткізіп берудегі кемшіліктерге байланысты мыс балқыту зауыты, күнбағыс майын тазарту цехы сияқты бірқатар жобаны жүзеге асыруда мәселелер туындап отыр.
Бектеновтің тапсырмасы
Осы мәселеге байланысты премьер-министр бірқатар тапсырма берді.
"Әкімдер мен министрлер инвестиция тарту мәселелерімен күн сайын тікелей айналысуға тиіс. Бұл - ең маңызды мәселе. Инвестиция болмаса, экономикада ешқандай даму болмайды. Артта қалған өңірлердің әкімдеріне инвестициялар бойынша нысаналы көрсеткіштерге қол жеткізбегені үшін өз орынбасарларын тәртіптік жауапкершілікке тартуды тапсырамын", - деді Олжас Бектенов.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова