"Базардан көрдік дейді". Екі жыл бұрын жоғалып кеткен БҚО тұрғыны туралы жаңа дерек шықты
!["Базардан көрдік дейді". Екі жыл бұрын жоғалып кеткен БҚО тұрғыны туралы жаңа дерек шықты](/userdata/news/news_87021/image_l.png)
Марат Шурин 2021 жылғы 4 тамызда жоғалып кеткен. Ол "Қарақұдық" қыстағынан таңғы 6-да шығып, қайта оралмаған, - деп хабарлайды Massaget.kz тілшісі "Мой Город" басылымына сілтеме жасап.
Жоғалған БҚО тұрғынының әйелі оның денсаулығына байланысты мәселе болмағанын айтады.
"Ол ішімдік ішетін. Ешқашан үйден кетпеді, жұмыс істеді. Оның ерекше аурулары, есте сақтау қабілетіне байланысты мәселелері болған жоқ. Оның ұлы мен екі қызы бар. Ол Жәнібек ауданы Көгенкөл ауылдық округінің Көлтабан бөлімшесінің "Қарақұдық" қыстауына жұмысқа кетті. Онда 3-4 күн жұмыс істегеннен кейін сол жерден таңғы 6-да белгісіз бағытқа кетіп, қайтып оралмады", - деді оның жары Айнара Закарина.
Айнара Закарина күйеуінің арық, қысқа шашты және сол қолында татуировкасы бар екенін айтты. Бойы - 172 сантиметр. Әйел БҚО тұрғындарынан тағы да көмек сұрады. Өйткені оған жұбайын Құрбан айтта 28 маусымда Оралдағы "Ел Ырысы" базарынан көргенін айтқандар болған.
"Жоғалып кеткен кезден бастап оны Орал қаласында базардан көргендерін айтты. Бірақ кейін іздеу сәтсіз аяқталды. Өзіміз де оны таба алмадық. Биыл Құрбан айтта бізге оны ет сататын жерден көргендер бар екенін айтты. Полиция барлығынан сұрады, бірақ іздеу сәтсіз аяқталды. Адамдар көреді, бірақ бізге бұл туралы екі-үш күннен кейін айтады және іздеу қиындай түседі. Бұл жолы тіпті камералар да таба алмады", - деп түсіндірді әйел.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова