Бауыр қатерлі ісігінің тамақ ішкенде білінетін белгісі аталды

Қатерлі ісік - әлемдегі жүрек-қан тамырлары ауруларынан кейінгі өлімнің екінші ең көп тараған себебі. Көпшілік қатерлі ісік бастапқы кезеңде ешқандай белгі бермейді. Алайда бауыр қатерлі ісігін көрсететін айрықша бір белгі бар, - деп хабарлайды Massaget.kz тілшісі.

Бауыр қатерлі ісігінің белгілері қандай?

Бауыр қатерлі ісігінің бастапқы кезеңінде әдетте ешқандай белгі байқалмайды. Егер сізде бауыр созылмалы ауруы бар болса, бауырды жүйелі түрде тексертіп, қажетті анализдер тапсырып тұру керек. 

Бауыр қатерлі ісігінің сізді ойландыруы керек бір белгісі бар. Бауыр қатерлі ісігі сіздің тәбетіңізге әсер беруі мүмкін. Егер тамақ ішіп отырғанда әдеттегіден ертерек тойып қала беретін болсаңыз, бұл бауыр қатерлі ісігінің белгісі болуы мүмкін.

Кімдер қауіп тобына кіреді?

Қауіп тобына мына адамдар кіреді:

• 60 жастан асқан адамдар, көбінесе 85 жастан асқан адамдарда кездеседі;
• ерлер;
• гепатит, бауыр циррозы, өт тастары, қант диабеті секілді аурулары бар адамдар;
• бауырдағы паразиттер немесе АИТВ;
• бауырдың бастапқы қатерлі ісігі бар ағасы, әпкесі немесе ата-анасының бірінің болуы.

Бауыр қатерлі ісігінің қалай алдын алу керек?

• Егер артық салмағыңыз болса, арықтауға тырысыңыз;
• Егер зиянды химиялық заттардың әсері бар жұмыста қызмет етсеңіз, қорғаныш киімі мен маска киіп жүріңіз;
• Алкоголь мөлшерін барынша азайтыңыз;
• Темекі тартпаңыз.

Оқи отырыңыз: Әйелдер арасында ең көп тараған қатерлі ісік жайлы не білу керек?

Instagram парақшамызға жазылып, ең қызықты ақпараттарды бірінші болып оқыңыз!