Батыс Қазақстанда бұршақ жауды

Фото: vk.com

12 шілде 2017, 10:55

Кеше БҚО, Зеленов ауданы, Дариян ауылында үлкен көлемдегі бұршақ жауды. Жаз мезгілінде тосын мінез танытқан табиғатқа өңір жұртшылығы таңырқай қарады.

Ауыл әкімі Болат Ерболатовтың айтуынша, бұршақ кешкі сағат 18:00 мен 20:00 арасында жауған.

Соның салдарынан бау-бақшаға елеулі залал келген. Ресми мәліметтерге сүйенсек, тосын оқиғадан зардап шеккендер жоқ. Дариянда электр және байланыс желілері қалыпты жұмыс істеп тұр. Қазіргі уақытта бұршақтан келген шығын көлемі есептелуде.

Ж. Жұмағұлов