Батыс Қазақстан облысындағы бірнеше автожолда көлік қозғалысы шектелді

Батыс Қазақстан облысында қолайсыз ауа райына байланысты бірнеше жол жабылды, - деп хабарлайды Massaget.kz тілшісі "ҚазАвтоЖол" ұлттық компаниясы" АҚ баспасөз қызметіне сілтеме жасап.

2025 жылғы 13 қаңтарда сағат 22:30-дан бастап Батыс Қазақстан облысында ауа райының қолайсыздығына байланысты Ақтөбе - Орал - РФ шек. (Сырым ө/п) автожолының 195-248 шақырым аралығында (МАИ бекетінен РФ шекарасына дейін) көліктің барлық түрінің қозғалысына шектеу қойылады.

Ал сағат 23:00-де келесі автомобиль жолдарында көліктің барлық түрінің қозғалысы шектеледі:

• Ақтөбе - Орал - РФ шек. (Сырым ө/п) автожолының 273-392 шақырымы, (Барбастау ауылынан Жымпиты ауылына дейін);
• Атырау - Орал автожолының 372-492 шақырымы, (Чапай ауылынан Орал қаласына дейін).

Жабылған барлық жолды 14 қаңтар сағат 06:00-де ашу жоспарланған. 

Компания 1403 байланыс орталығына хабарласып, тәулік бойы қосымша ақпарат алуға болатынын ескертті.

Еске салайық, бұған дейін синоптиктер Қазақстанның 11 өңірінде қолайсыз ауа райына байланысты ескерту жасаған еді.

Қызықты жаңалықтар мен видеоларды көру үшін TikTok арнамызға жазылыңыз!