Басынан аяусыз ұрған: Ақтөбеде науқас ауруханадағы дәрігерлерді соққыға жыққан

Ақтөбеде науқас ауруханадағы дәрігерлерді соққыға жыққан, - деп хабарлайды Massaget.kz тілшісі "Диапазон" басылымына сілтеме жасап.

Оқиға жедел медициналық жәрдем ауруханасында болды. Екінші қабаттағы дәлізде 36 жастағы науқас өзіне палатаға оралуы қажет екенін айтқан медицина қызметкеріне шабуыл жасаған. Ол әйелді басынан жұдырықпен ұрған, медицина қызметкері соққыдан құлап қалған, бірақ науқас оны ұра берген. Содан кейін ол сыртқа шығып, аурухананың тағы бір қызметкерін ұрып-соғып, қашып кеткен. Екі жәбірленушіге де мидың жарақаттары, ми шайқалуы диагнозы қойылды.

Қашып кеткен науқасқа бұзақылық бабы бойынша қылмыстық іс қозғалды.

Кейінірек науқас психикалық аурумен ауырғаны және ол аурухана қызметкерлеріне шабуыл жасаған сәтте не істеп жатқанын түсінбегені анықталды.

Сотта медициналық сипаттағы мәжбүрлеу шараларын қолдану туралы қылмыстық іс қаралды. Сотта науқастың анасы оны мәжбүрлеп емдеуге қарсы болған жоқ. Ол ұлы 2013 жылдан бері есепте тұрғанын және әскери қызметтен кейін психикалық ауруы пайда болғанын түсіндірді.

Сот ер адам бұзақылық жасағанын анықтады. Сондықтан сот оны жалпы типтегі психиатриялық стационарға мәжбүрлеп емдеуге жіберу туралы шешім қабылдады. 

Өзекті жаңалықтарды өз уақытында оқу үшін Facebook парақшамызға жазылыңыз!