"Басымнан тепті". Атырауда бар күзетшілері қызды соққыға жыққан

Атырау тұрғыны барлардың бірінің күзетшілері онымен таныспақ болғанын, бірақ ол бас тартқан соң жұдырық жұмсағанын айтты. Бұл туралы ол Instagram-парақшасында жазды, - деп хабарлайды Massaget.kz тілшісі.

Қыздың айтуынша, оқиға 11 шілдеде қаладағы барлардың бірінде болған.

"Жанжал ұрып-соғудан бұрын басталды: күзетшілер жұмыста тұрып, менімен танысуға тырысып, бар жабылғаннан кейін бірге уақыт өткізуге шақырды. Мен бас тарттым, содан кейін олар мені мазақ етіп, маған басқаша қарай бастады", - дейді қыз.

Ол таңғы бестер шамасында телефонмен сөйлесуге сыртқа шыққанын, содан кейін күзетшілер қайта кіргізбей қойғанын айтты.

"Олар өте дөрекі сөйлесе бастады... Мен кіреберістен жүгіріп өтпек болдым, сол кезде бетіме бірнеше соққы жасады. Мен сол жерге құлап, басымды ұрып алдым. Олар мені есіктен ары қарай итере бастады. Соңында мені ұрған күзетші баспалдақта отырғанымда басымнан тепті", - деп жазды қыз.

Посмотреть эту публикацию в Instagram

Публикация от Zhanat Shamiganov (@insta_kokshe)

Атырау облыстық Полиция департаментінің баспасөз қызметі "Мой город" басылымына күдіктілердің аты-жөні анықталғанын хабарлады. Қазір тергеу амалдары жүргізіліп жатыр.

Басылым мәліметінше, бұл оқиға қала тұрғындары арасында резонанс тудырған. Адамдар мекемеге бойкот жариялауды талап етіп, мекенжай астына түрлі пікірлер қалдырған.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!