Бас прокуратура қазақстандықтарға ескерту жасады

Бас прокуратура интернет-алаяқтықтың жаңа түрі туралы ескертті, - деп хабарлайды Massaget.kz тілшісі.

Шетелдік дереккөздердің мәліметінше, алаяқтар жаңа шабуыл толқынын іске қосып, жеткізу қызметтері, басқарушы компаниялар және банктер атынан хаттар мен SMS-хабарламалар жіберіп жатыр. "Авторизациядағы қате", "домофонды ауыстыру" немесе "есептегіштерді тексеру" деген сылтаумен қаскүнемдер азаматтарды олардың өздерін қайта қоңырау шалуға мәжбүрлейді.

Прокуратура сақ болуды ұсынды:

• сақтық танытып, беймәлім кіріс хат-хабарлар мен қоңырауларға сыни қарау;
• ұйымдардың ресми сайттарында көрсетілген телефон нөмірлеріне ғана қайта қоңырау шалу;
• екі факторлы аутентификацияны пайдалану;
• банк карталарының деректерін, SMS арқылы келетін бір реттік кодтарды және өзге де құпия ақпаратты үшінші тұлғаларға бермеу.

Өзекті жаңалықтарды өз уақытында оқу үшін Facebook парақшамызға жазылыңыз!