Балқашта су деңгейі тағы 8 сантиметрге көтерілді
![Балқашта су деңгейі тағы 8 сантиметрге көтерілді](/userdata/news/news_107568/image_l.jpg)
Балқашта су деңгейі тағы 8 сантиметрге көтерілді, - деп хабарлайды Massaget.kz тілшісі Су ресурстары және ирригация министрлігіне сілтеме жасап.
Трансшекаралық Іле өзенінен көлге су жіберу іс-шаралары жалғасып жатыр.
"Бұған дейін су деңгейі 15 см-ге артып, 1 сәуірде 174 см-ге жеткен. Бүгінде бұл көрсеткіш 182 см-ге көтерілді. Осылайша, жыл басынан бері Балқаштағы су деңгейі 23 см-ге көтерілді", - деп жазылған хабарламада.
Балқаш көліндегі су деңгейін анықтау үшін 4 гидробекетте, соның ішінде Сарышаған, Қарақұм, Балқаш, Мыңаралда бақылау жүргізіледі.
"Батыс Қазақстан облысының Қамыс-Самар көлдеріне 80 млн текше метр су барды. Каспий теңізіне тағы 200 млн текше метр су жіберілді. Ұлытау облысынан Қызылорда облысының ауылшаруашылық алқаптарына су жіберу жалғасып жатыр", - деді Су ресурстары және ирригация министрлігінің ресми өкілі Мөлдір Әбдуалиева.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
А. Есен