Балабақшаға барғысы келмеген бес жасар қызды әпкесі көшеде ұрып-тепкен

Фото: видеодан алынған кадр

14 тамыз 2023, 20:20

Әлеуметтік желіде бейтаныс бойжеткеннің кішкентай қызды теуіп, ұрып жатқаны түсірілген видео тарады, - деп хабарлайды Massaget.kz тілшісі.

Полицияның хабарлауынша, оқиға 14 тамыз күні таңғы уақытта болған. Бес жасар қыз балабақшаға барғысы келмеген. 17 жастағы туысы оның бұл әрекетінен кейін ұрып-соққан.

Жасөспірімге қатысты Әкімшілік құқық бұзушылық туралы кодексінің 73-2-бабы 1-бөлігі "Ұрып-соғу" бойынша әкімшілік іс қозғалды.

"Қыз баланың заңды өкілдері болған оқиғаны әрі қарай талқылаудан бас тартты. Оларға балалар психологымен жұмыс ұсынылды", - деп хабарлады полиция.

Қызықты жаңалықтар мен видеоларды көру үшін TikTok арнамызға жазылыңыз!

М. Лұқпан