Ташкент облысындағы балабақшаларда астан уланған 2 мыңға жуық бүлдіршіннің 182-сі аураханаларда әлі ем алып жатыр, - деп хабарлайды Massaget.kz тілшісі.
Бұл туралы Өзбекстан Санитарлық-эпидемиологиялық салауаттылық және қоғамдық денсаулық комитетінің бірінші орынбасары Нурмат Атабеков мәлім етті.
Айта кетейік, 24 қыркүйекте Ташкент облысындағы мемлекеттік балабақшаларда балалар астан уланып, 960-тан аса бүлдіршін ауруханаға жатқызылса, түрлі шағымдармен дәрігер көмегінге жүгінгендердің саны 2 мыңға жуықтады.
Нурмат Атабековтің мәліметінше, сүт өнімдерінен уланған бүлдіршіндердің денсаулығы жақсарып келеді. Бірде-бір балада ауыр хәлде жатқан жоқ.
"Ең бастысы, барлық балаға көрсетіліп жатқан медициналық көмек мемлекеттің қатаң бақылауында. Ем оң нәтиже беріп жатыр", - деді Нурмат Атабеков.
Құқық қорғау органдары бұл оқиға бойынша қылмыстық іс қозғап, тергеу жүргізіп жатыр. Қазір осы іске қатысы бар деген күдікпен 7 адам қамауға алынды. Оның ішінде үшеуі сүт өнімін шығаратын компанияның қызметкері болса, қалғандары балабақшаларға азық-түлік жеткізетін фирмалардың өкілдері.
Өзекті жаңалықтарды өз уақытында оқу үшін Facebook парақшамызға жазылыңыз!
С. Бөлек