Балабақша меңгерушісінің 15 жастағы ұлы 6 жасар тәрбиеленушілерді азғырған
![Балабақша меңгерушісінің 15 жастағы ұлы 6 жасар тәрбиеленушілерді азғырған](/userdata/news/news_82949/image_l.jpg)
Ташкенттегі балабақша Бас прокуратураның назарына іліккен. Меңгерушінің 15 жастағы ұлы 6 жастағы қыздарға тиісіп, шешінуге мәжбүрлегені белгілі болды, - деп хабарлайды Massaget.kz тілшісі Nuz.uz сайтына сілтеме жасап.
Портал мәліметінше, жоғары сынып оқушысы балабақшаға күн сайын келіп, дайындық тобындағы балалармен оңаша қалатын болған. Қорқытып-үркітіп, төрт қызды шешінуге мәжбүрлеген, біреуі шетелдіктің қызы болған. Жасөспірім қыздарға қолын жүгірткен, содан кейін біреуі айғалап жібергенде ол қорқып кетіп қалады.
Балалар кешке барлығын ата-анасына айтып, олар құқық қорғау органдарына арыз жазып, оқиғаны журналистерге жеткізген. Қыздардың ата-анасы балалар жатқан бөлмеде камера орнатылмағанын, тергеу күні кіреберістегі камера кенет істемей қалғанын айтады.
Бас прокуратура оқиғаны өз бақылауына алғанын хабарлады. Дерек бойынша Қылмыстық кодекстің 119-бабына сәйкес қылмыстық іс қозғалған.
Мектепке дейінгі және мектептегі білім беру министрлігі №230 балабақша меңгерушісі "қызметіне жауапсыз қарап, балалардың өміріне қауіп төндіргені үшін" қызметінен босатылғанын хабарлады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Д. Шәріпхан