Балабақша, мектеп, колледждерде жеке қауіпсіздік сабақтары оқытылады
![Балабақша, мектеп, колледждерде жеке қауіпсіздік сабақтары оқытылады](/userdata/news/news_115091/image_l.jpg)
Жаңа оқу жылында білім беру ұйымдарында жеке қауіпсіздік сабақтары оқытылады, - деп хабарлайды Massaget.kz тілшісі Оқу-ағарту министрлігінің баспасөз қызметіне сілтеме жасап.
Балабақша, мектеп, колледждерде 1 қыркүйектен бастап балаларға қорғану негіздері бойынша сабақтар ұйымдастырылады. Оқу-ағарту министрлігі "Жеке бас қауіпсіздігі" тақырыбында 130 сабақ әзірледі.
"Сабақтың мақсаты - балалардың бойында жеке қауіпсіздік және басқаларды қорғауға қатысты саналы, жауапты қарым-қатынас қалыптастыру, сондай-ақ төтенше жағдайларда әрекет етуге дайындау", - деп жазылған ведомство хабарламасында.
Сабақ апта сайын сынып сағаты аясында 10 минут шамасында өткізіледі, бір тақырып жылына үш рет қайталанады.
Сабақ барысында практикалық кеңестер, ойындар, интерактивті әдістер, демонстрациялар, бейнероликтер, т.б. қолданылады.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова