Айнұр Тұрсынбаева тұрмысқа шықпаған 35 жастағы қыздың оқиғасы туралы айтты
Танымал айтыскер ақын Айнұр Тұрсынбаева қыздардың тұрмысқа шықпай жүруінің себебін анықтағанын айтты, - деп хабарлайды Massaget.kz тілшісі.
Ақын бұл туралы әлеуметтік желідегі парақшасында видео жариялады. Оның айтуынша, қыздардың тұрмысқа шықпауына бала кезінде естіген сөздері әсер етеді екен.
"Жақында маған бір жас қыз келген болатын. Жас қыз болғанда тұрмысқа шықпаған, жасы 35-тегі қыз. Сонда мен ол қыздан сұраймын, "тұрмысқа шыққың келе ме?" деп. Ол айтады: "Мен тұрмысқа шықпайтынымды анық білем", - деп. "Қайдан білесің?" десем, "Менің әжем маған "Сені бай да алмайды, Құдай да алмайды" деп айтқан болатын" дейді. Былай қарап тұрсақ, бір-ақ ауыз сөз. Адам соны өзіне қабылдап тұр", - деді Айнұр Тұрсынбаева.
Айтыскердің айтуынша, сөздің құдіреті қыздардың ғана емес, жалпы адамдардың өмір жолына көп кедергі келтіреді.
"Сол сияқты білесіздер иә, бір-ақ ауыз сөздің кесірінен қанша отбасы ажырасып кетіп жатыр, қанша адам ішіп кетеді, қанша адам өсіп кетеді, қанша адам өшіп кетеді. Бір-ақ ауыз сөз көбінесе сіздің өміріңіздің астан-кестеңін шығарып жіберуге жеткілікті. Сол сияқты кішкентай кезіңізде сіз естіген "бай болғанша басың аман болсын" деген сөздің өзі де сізге өмір бақи әсер етуі мүмкін немесе "тұқымың тұздай құрысын" деп айта салатын ауыр сөздер бар. Ол да сіздің өміріңізге әсер етуі мүмкін. Сіз дәл қазір ойланып, қарап көріңізші, сіздің өміріңізге ең қатты әсер еткен кімнің сөзі? Осыны ойлап көріңіз. Сіз өзіңіздің проблемаларыңызды жайлап тауып аласыз", - деді ол.
Посмотреть эту публикацию в Instagram
Еске салайық, Айнұр Тұрсынбаева сөздің құдіреті туралы жиі айтады. Мысалы, жақында ол Денис Теннің өлімді өз сөзімен шақырып алғанын айтқан болатын. Бұдан бөлек, бірнеше танымал тұлғаның да сөздің құдіретінен қандай жағдайға тап болғанын талдап көрсеткен.
Қызықты жаңалықтар мен видеоларды көру үшін TikTok арнамызға жазылыңыз!
Д. Ибраева