"Аймақ та, әлем де басқа соғысты көтере алмайды" - БҰҰ Бас хатшысы

БҰҰ бас хатшысы Антониу Гутерриш Иранның Израильге жасаған шабуылын айыптап, қақтығыстарды дереу тоқтатуға шақырды, - деп хабарлайды Massaget.kz тілшісі Tengrinews.kz-ке сілтеме жасап.

Гутерриш "Иран Ислам Республикасының Израильге жасаған ауқымды шабуылынан туындаған ауыр шиеленісті" қатаң айыптады.

"Мен бұл соғыс қимылдарын дереу тоқтатуға шақырамын", - деді БҰҰ Бас хатшысы мәлімдемесінде.

Антонио Гутерриш бүкіл аймақтағы деструктивті шиеленістің айшықты қаупіне терең алаңдаушылық білдірді.

Ол барлық тараптарды Таяу Шығыстағы көптеген майдандарда ірі әскери қақтығысқа әкелетін кез келген әрекеттерден аулақ болу үшін барынша ұстамды болуға шақырды.

"Мен аймақтың да, әлемнің де басқа соғысты көтере алмайтынын бірнеше рет атап өттім", - деп қорытындылады БҰҰ басшысы.

 Баспасөз бен ресми израильдік дереккөздердің хабарлауынша, сенбі күні кешке Иран Израиль бағытында "ондаған" ұшқышсыз ұшақтарды ұшырды.

Бұған дейін Германиядағы Иранның бұрынғы елшісі Сейед Хоссейн Мұсавиан Израиль Иранға жауап берсе, аймақта соғыс болмай қоймайтынын айтқан.

"Иранның қазіргі кек алуы соңы болуы керек. Егер Израиль Иранға шабуылын қайталаса және АҚШ Израильге қосылса, аймақтық соғыс сөзсіз болады", - деді Мусавиан.

Аптаның басты оқиғалары мен пайдалы видеоларды көру үшін YouTube арнамызға жазылыңыз