Танымал актер, тележүргізуші Тәуекел Мүсілім әйелі Махаббатпен қарым-қатынасы қандай екенін айтты, - деп хабарлайды Massaget.kz тілшісі.
Бұл туралы өнер иесі "Оян" бағдарламасында бөлісіп, сырын ақтарды.
Тәуекел Мүсілімнің айтуынша, оның адамға ғашық болуы қиын. Бірақ жұбайы Махаббатты көргенде, ол бірден ессіз ғашық болған.
"Мен де, әйелім де қызғаншақпыз. Шығармашылыққа зияны тимейді, басынан келісіп алғанбыз. Адамға тез ғашық болмаймын. Адамды танып-білу үшін уақыт керек. Махаббатты көргенде бұған дейін болмаған сезім пайда болды. Оны бірден ұнаттым. Отбасылық өмірде адам мінсіз емесін білуі керек. Ерлі-зайыпты арасында идея болғаны дұрыс", - деді ол.
Актер әйеліне қаншалық жиі сыйлық беретінін айтты. Оның айтуынша, әйелінің сүйікті гүлі - сәлдегүл (пиондар - еск.).
"Жағдайым болған сайын, оған сыйлық сыйлауға тырысамын. Махаббат бақытты. Ол мәһрге әшекей бұйым сұраған. Сол кезде ғана нақты таңдауын айтты. Қалған кездері ол - өте үнемшіл қыз. Әйелімді күнде сүйіп, еркелетемін. Бала кезімде бес балам болса деп армандайтынмын. Қазір 3 бала дүниеге әкеліп, оларды аяққа тұрғызсақ, сол жетеді", - деді Тәуекел.
Айта кетейік, Тәуекел Мүсілім - актер әрі тележүргізуші. Ол "Махаббатым жүрегімде" телехикаясы арқылы танымалы болды. Өнер иесі "Анамды іздеймін", "Барлығы еркектердің кесірінен", "Қазақ аруы", "Махаббат. Үміт. Астана" фильмдеріне түсті.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!