"Әйелдер күйеулерін пышақтап тастаған". Шымкент сотында адамшошырлық оқиғалар айтылды

Көптеген отбасында болып жатқан тұрмыстық зорлық-зомбылық көбіне қайғылы жағдаймен аяқталады. Күйеулері мас күйінде әйелдерін өлтіреді, ал әйелдері соққыға жығылып жатқан кезде өздерін қорғап, пышақты күйеулеріне сұғып алады, - деп хабарлайды Massaget.kz тілшісі otyrar.kz-ке сілтеме жасап.

Мұндай жағдайлар кісі өлтіру статистикасында айтарлықтай үлесті алып отыр. Егер отбасылар ішімдік ішуді әдетке айналдырса, бұл қайғылы жайтпен аяқталуы мүмкін.

Шымкент қылмыстық істер жөніндегі мамандандырылған ауданаралық сот өкілдерінің мәліметінше, былтыр тұрмыстық зорлық-зомбылық жасағаны үшін сотқа 13 адам келген. Олардың ішінде үш әйел бар.

"Мас күйінде ерлі-зайыптылар ұрысады, тіпті әйелдері күйеулеріне пышақ сұғып алған жағдайлар болған. Мұндай үш жағдай тіркелді. Бәріне ішімдік кінәлі деп санаймыз", - дейді Шымкент қаласының қылмыстық істер жөніндегі мамандандырылған ауданаралық сотының төрағасы Айнель Орақбаева.

ІІМ мәліметінше, жыл басынан бері елде тұрмыстық жанжал туралы төрт мыңнан аса хабарлама тіркелген. Агрессорлардың көпшілігі әкімшілік жауапкершілікке тартылады. Отбасылық қақтығыстардың себептері маскүнемдік, лудомания, моральдық және этикалық қағидалардың бұзылуы екен.

Өзекті жаңалықтарды өз уақытында оқу үшін Facebook парақшамызға жазылыңыз!