Әйел мен жасөспірім тосын жағдайда уланып көз жұмды
![Әйел мен жасөспірім тосын жағдайда уланып көз жұмды](/userdata/news/news_97699/image_l.jpg)
Шымкент пен Түркістан облысында көміртегі тотығынан уланған екі адам қаза тапты. Екі жағдайда да мамандар газ құрылғыларын орнатуда кемшіліктер кеткенін анықтады, - деп хабарлайды Massaget.kz тілшісі Оtyrar басылымына сілтеме жасап.
25 желтоқсанда Сарыағашта өрт сөндіру қызметінің кезекшісі 2007 жылы туған қыз көміртегі тотығынан уланып, қаза тапқаны туралы ақпаратты "104" пультіне хабарлады.
Ал 24 желтоқсанда дәрігерлер Шымкенттегі "Қайтпас" шағынауданындағы үйлердің бірінде 1971 жылы туған әйел қайтыс болғанын айтты. Оқиға орнына келген авариялық бригада газ аспаптарын монтаждау шарттары бұзылғанын анықтады. Қайғылы жайт болған жерде су жылытқышы орнатылған. Бұл жағдайдың себебі мұржаның құбырының ұзындығы бойынша талаптар сақталмауы болды.
Екі жағдайда да себеп сот-медициналық сараптаманың нәтижелері бойынша анықталады.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова