Аязда тым ыстық сусын ішудің қаупі айтылды
![Аязда тым ыстық сусын ішудің қаупі айтылды](/userdata/news/news_77288/image_l.png)
Медицина ғылымдарының кандидаты, гастроэнтеролог Алексей Парамонов өте ыстық сусындардың қаупі туралы айтып берді, - деп хабарлайды Massaget.kz тілшісі RT-ге сілтеме жасап.
Дәрігердің айтуынша, ыстық тағамдардың, соның ішінде сусындардың оңтайлы температурасы шамамен 70 градус. Ол бұл сусынның тез суып кетпеуі үшін ыңғайлы температура екенін, бірақ сонымен бірге өңешке қауіпсіз екенін атап өтті.
Сарапшы ыстық сусындар мен сұйық тағамдар, мысалы, температурасы 90-100 градусқа жететін сорпа күйік тудыруы мүмкін екенін ескертті.
"Бұл күйіктер әрдайым айқын бола бермейді: кеудеде бір нәрсе мазалайды, кейде тіпті сезілмейді, бірақ егер ол үнемі қайталанса, онда мұндай адамдарда өңештің қатерлі ісігі қаупі артады", - деп атап өтті телеарна тілшісіне маман.
Гастроэнтеролог, сонымен қатар, өте ыстық сусындар ішетін Моңғолия сияқты елдер бар екенін еске салды. Бұл ел, маманның мәліметінше, өңеш қатерлі ісігі бойынша көрсеткіште ең жоғары тұрған елдердің бірі.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
А. Құлтай