"Аяқ-қолынан айырылған". Тұмау жұқтырған әйел күтпеген жағдайға тап болды
!["Аяқ-қолынан айырылған". Тұмау жұқтырған әйел күтпеген жағдайға тап болды](/userdata/news/news_94539/image_l.jpg)
АҚШ-та тұмау жұқтырған әйел аяқ-қолынан айырылған, - деп хабарлайды Massaget.kz тілшісі Fox News-ке сілтеме жасап.
42 жастағы Кристин Фокс - Огайодағы орта мектеп директоры. Ол 2020 жылғы наурызда тұмаумен ауырып қалған. Әйел ауруханаға барған, дәрігерлер оған вирусқа қарсы дәрі жазып, үйіне жіберген. Келесі күні Фокстың жағдайы күрт нашарлаған. Әйелдің медициналық білімі бар досы оның қан қысымы мен оттегі деңгейін өлшеп, екеуі де өте төмен болғанын аңғарған. Ол дереу ауруханаға жеткізілді.
"30 минуттан кейін дәрігерлер мені арнайы жасанды желдету аппаратына қосты. Олар маған аман қалмайтынымды айтты", - дейді ол.
Науқаста бактериялық пневмония пайда болған, ол бүйрек пен өкпеге әсер еткен. Бірнеше күннен кейін дәрігерлер Фокстың септикалық шокқа түскенін анықтады. Ол комаға түсті. Инфекцияның таралуын тоқтату үшін дәрігерлер әйелдің тізеден төмен екі аяғын және шынтақтан төмен екі қолын кесуге мәжбүр болды.
Операциядан кейін дәрігерлер Фоксты комадан алып шықты, үш күннен кейін ол өздігінен тыныс алып, жасанды тыныс алу аппаратынан ажыратылды. Әйел бірнеше аптадан кейін үйіне жіберілген және физиотерапияның курсынан өтті.
Қазір әйел мектепке жұмысқа оралып, протездің көмегімен жүреді.
"Мен протез қолды мүлде қолданбаймын. Мен оларсыз өмір сүруді үйрендім, солай оңай. Мен тіпті оларсыз көлік жүргіземін", - дейді ол.
Тағы да оқи отырыңыздар: Беттегі секпілді қалай кетіруге болады?
Аптаның басты оқиғалары мен пайдалы видеоларды көру үшін YouTube арнамызға жазылыңыз
С. Бөлек