Автоматтар, тапаншалар: ҰҚК қанша қару тәркіленгенін айтты

Ұлттық қауіпсіздік комитеті 2024 жылы қанша қару-жарақ пен оқ-дәрі тәркіленгенін жариялады, - деп хабарлайды Massaget.kz тілшісі.

2024 жылы Ұлттық қауіпсіздік комитеті полиция және прокуратура органдарымен бірлесіп, қару-жарақтарды, оның ішінде Қаңтар оқиғалары кезінде ұрланғандарды іздеу және заңсыз айналымнан алу бойынша бірқатар жедел іздестіру іс-шарасын жүргізді.

"Нәтижесінде қарудың қайта айналымының 7 арнасы, сатудың 7 ішкі арнасы және оны жасайтын жасырын 4 цех жойылды. 58 Калашников автоматы, 283 мылтық, 164 тапанша, 115 граната және әртүрлі калибрдегі 15 мыңнан аса оқ-дәрі тәркіленді", - деп жазылған хабарламада.

Instagram парақшамызға жазылып, ең қызықты ақпараттарды бірінші болып оқыңыз!