Ұлттық қауіпсіздік комитеті Ресей және Өзбекстанның арнайы қызметтерімен бірлесіп, Ауғанстаннан "Солтүстік бағдар" деп аталатын бағыт арқылы есірткіні контрабанда жолымен тасымалдау әрекетін әшкереледі, - деп хабарлайды Massaget.kz тілшісі.
Комитет мәліметінше, операция нәтижесінде Ресей Федерациясының Түмен қаласында халықаралық есірткі тобының екі мүшесі ұсталған.
Сурет: ҰҚК баспасөз қызметі
"Тінту барысында олардан қара нарықтағы құны шамамен 300 мың АҚШ доллары болуы мүмкін 30 келі ауған гашиші тәркіленді. Бұл дерек бойынша Ресейдің құзыретті органдары соталды тергеп-тексеру жүргізіп жатыр", - деп жазылған хабарламада.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова