Ауғанстанда жойқын жер сілкінісі болды: жүзден аса адам қаза тапты
![Ауғанстанда жойқын жер сілкінісі болды: жүзден аса адам қаза тапты](/userdata/news/news_92069/image_l.jpg)
Ауғанстанның батысындағы Герат провинциясында болған күшті жер сілкінісі салдарынан кемінде 120 адам қаза тауып, мыңнан аса адам жарақат алды, - деп хабарлайды Massaget.kz тілшісі DW сайтына сілтеме жасап.
Құтқарушылар үйінділердің көбі әлі тазаланбағандықтан, апат құрбандарының саны айтарлықтай артуы мүмкін екенін ескертті.
АҚШ Геологиялық қызметі мәліметінше, 7 қазанда таңертең аймақта магнитудасы 6,3 болатын жер сілкінісі тіркелген. Жер сілкінісінің ошағы Герат қаласынан солтүстік-батысқа қарай 40 шақырым жерде орналасқан. Бірінші жер сілкінісінен кейін магнитудасы 4,3-тен 6,3-ке дейін болатын тағы бірнеше жер сілкінісі болған.
Алдын ала мәлімет бойынша, құрбандар саны артуы мүмкін. Әсіресе Зенда Джан аймағындағы төрт ауыл зардап шегіп, үйлер қираған.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Д. Шәріпхан