Ауа райының салдарынан жолда қалғандар пойызбен жеткізіледі

Ұлттық тасымалдаушы ауа райының қолайсыздығына байланысты шамамен 200 жолаушыны пойыздармен тасымалдайды, - деп хабарлайды Massaget.kz тілшісі.

Ауа райының қолайсыздығынан Астана-Қарағанды және Астана-Павлодар бағыттарындағы тас жолдардың уақытша жабылуына байланысты, Ұлттық тасымалдаушы көліктік қолжетімділікті қамтамасыз ету мақсатында шұғыл шараларды іске асырып жатыр. Бұл шаралар шамамен 200 жолаушыны пойыздармен тасымалдауға мүмкіндік береді.

2025 жылдың 3 қаңтарында келесі станциялардан жолаушыларды отырғызу ұйымдастырылады.

Сарыбел станциясынан (Қарағанды мен Астана қалаларына тасымалдау):

• №327 Қарағанды - Қостанай
• №43 Алматы - Қостанай
• №121 Семей - Астана
• №45 Түркістан - Павлодар
• №44 Қостанай - Алматы
• №6858 Астана - Қарағанды
• №7556 Астана - Қарағанды
• №108 Астана - Жезқазған
• №145 Қарағанды - Омбы

Павлодар және Ерейментау станцияларынан (Астана қаласына тасымалдау):

• №7501 Павлодар - Астана
• №7509 Павлодар - Астана
• №139 Павлодар - Пресногорьковская

Ұлттық тасымалдаушы ауа райының қолайсыз жағдайларында жолаушылардың тасымалын ерекше бақылауда ұстайды. 

Аптаның басты оқиғалары мен пайдалы видеоларды көру үшін YouTube арнамызға жазылыңыз