Ұлттық тасымалдаушы ауа райының қолайсыздығына байланысты 500-ден астам жолаушыны қосымша тасымалдауды ұйымдастырады, - деп хабарлайды Massaget.kz тілшісі.
Ауа райының күрт нашарлауына байланысты Астана - Қарағанды және Астана - Щучинск бағыттарындағы тасжолдарда қозғалысқа уақытша шектеулер енгізілді. Осыған орай, жолаушылардың қауіпсіздігін қамтамасыз ету мақсатында Ұлттық тасымалдаушы 500-ден астам жолаушыны қосымша пойыздар арқылы тасымалдау шараларын ұйымдастырып жатыр.
2025 жылдың 21 қаңтарынан бастап жолаушылар үшін келесі станцияларда пойыздарға отырғызу ұйымдастырылады:
Бурабай курорты станциясынан (Астанаға дейін):
- №6830 Көкшетау - Астана;
- №7508 Көкшетау - Нұрлы жол".
Сарыбел станциясынан (Қарағанды мен Астанаға дейін):
- №6857 Қарағанды - Астана.
Ұлттық тасымалдаушы азаматтарды сақтық шараларын сақтауға және алыс сапарларға шықпауға шақырды.
Еске салайық, синоптиктер Қазақстанда күн күрт салқындайтынын хабарлады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
А. Жапатова