4-6 маусым аралығында елімізде күн жауын-шашынды болады, - деп хабарлайды Tengrinews.kz тілшісі "Қазгидромет" республикалық мемлекеттік кәсіпорнына сілтеме жасап.
Синоптиктердің айтуынша, жауын-шашынға қарамастан, күндіз термометр бағаны 30-38 градусқа дейін көтеріледі, ол климаттық нормадан 3-8 градусқа жоғары. "Қазақстанға ауысатын атмосфералық фронттар кей жерлерде өткінші жаңбыр, найзағай шақырады, найзағай кезінде желдің жылдамдығы секундына 18-23 метрге дейін дауылды күшеюі мүмкін", - делінген хабарламада.
Ал 6 маусымда суық фронт ықпалында республиканың батыс және солтүстік облыстарында ыстық ауа райы бәсеңдейді. "Орталық, оңтүстік және шығыс облыстарда кей жерлерде найзағайлы өткінші жаңбыр жылы атмосфералық фронттардың өтуімен күтіледі", - дейді синоптиктер.