Атыраулық әйел автобусқа отырып жатқанда қолын сындырып алды

Атырау - Құрманғазы бағытында автобуста бір әйел зардап шекті, - деп хабарлайды Massaget.kz тілшісі.

Instagram-да тараған видеода адамдардың лық толы автобусқа міне алмай жатқаны көруге болады.

Посмотреть эту публикацию в Instagram

Публикация от АТЫРАУ | ҚАЗАҚСТАН | 06 ❄️ (@atyrauoil.official)

Желіде тараған аудиода әйел Атырау - Құрманғазы бағытындағы автобусқа мінбек болған кезде қолын жарақаттап алғанын айтады. Жәбірленуші жолаушыларға жағдайдың жасалмағанына ашулы.

Құрманғазы ауданы әкімдігі оқиғаға қатысты түсінік берді. Жауапта бұл жайтқа билеттердің онлайн сатылмағаны себеп болғаны айтылған.

"Онлайн-билеттер платформасы әлі қосылмағандықтан, жолаушылар Құрманғазыдан билеттерді жүргізушіден, ал Атыраудан - Теміржол вокзалы ауданындағы автовокзалдан сатып алуға мәжбүр болады. Бұл - уақытша шара. Платформа 15 жұмыс күні ішінде жұмыс істейді деп жоспарланып отыр. Уақытша қолайсыздықтар үшін кешірім сұраймыз", - деп хабарлады аудан әкімдігі.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!