Атыраудың қақ ортасында жүк көлігі велосипед мінген жасөспірімді қағып кетті

Фото: pixabay.com

30 мамыр 2024, 20:39

Атыраудың қақ ортасында жүк көлігі велосипед мінген адамды қағып кетті, - деп хабарлайды Massaget.kz тілшісі Atpress.kz-ке сілтеме жасап.

Бұл туралы қалалық полиция басқармасы хабарлады.

30 мамыр күні сағат 12:00 шамасында Т. Амандосов- Г.Бергалиев реттелген көше қиылысында 1967 жылы туған жүк көлік жүргізушісі жаяу жүргіншілер өткелінен өтіп келе жатқан 2011 жылы туған велосипед жүргізушісін қағып, жол-көлік оқиғасы болды.

Салдарынан жасөспірім облыстық балалар ауруханасына жеткізілді.

Қазір тиісті іс-құжаттар жинақталуда.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

М. Лұқпан