Атырауда полицейлер ауласына 47 түп қарасора еккен күдіктіні ұстады

01 қазан 2024, 19:22

Атырау облысында полиция облыс прокуратурасымен бірге ауласына 47 түп қарасора өсірген күдіктіні ұстады, - деп хабарлайды Massaget.kz тілшісі.

"64 жастағы күдікті тұрғылықты тұратын үйінің ауласының қоршауын көрінбейтіндей етіп жабдықтаған. Тінту жүргізу кезінде ауладан тәртіп сақшылары 8 келі 800 грамм болатын 47 қарасора бұтасын тәркіледі", – деп хабарлады полиция.

Қазіргі уақытта күдіктіге қатысты қылмыстық іс-тіркеліп, сотқа дейінгі тергеу амалдары жүргізіліп жатыр. Өзге ақпарат тергеу мүддесіне сәйкес жария етілмеді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

М. Лұқпан