Атырауда жоғалған сәби аман-есен табылды
![Атырауда жоғалған сәби аман-есен табылды](/userdata/news/news_80480/image_l.png)
Атырауда жоғалып кеткен сәби аман-есен табылды. Оқыс оқиға 26 наурызда Балауса ықшамауданында болған, - деп хабарлайды Massaget.kz тілшісі.
Ата-анасы төрт жасар баласынан белгісіз жағдайда көз жазып қалған. Шамамен сағат 11.00-де үй ауласынан шығып кеткен баланы Балауса, Еркінқала ықшамаудандары тұрғындары аяғынан тік тұрып іздеген. Сонымен қатар, іздестіру жұмыстарына полиция қызметкерлері де жұмылдырылған.
Арада шамамен 5 сағаттай уақыт өткенде бала аман-есен табылды. Оқиға куәгерлерінің айтуынша, бала дренажға құлап кетіп, жатып қалған. Қазір бүлдіршін ата-анасының жанында. Жағдайы қалыпты.
Баян Жанұзақова
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова