Атырауда көлік тізгіндеген жасөспірім жол апатына түсіп, салдарынан жолаушы қаза тапты, - деп хабарлайды Massaget.kz тілшісі.
19 қаңтарда сағат 23:30 шамасында Атырау - Дамба тасжолында ВАЗ-2170 көлігі жол апатына ұшырады.
Көлікті 17 жастағы жасөспірім жүргізген, ол 25 жастағы жігіт тізгіндеген Toyota Camry көлігімен соқтығысқан.
"Жол апаты салдарынан ВАЗ-2170 көлігінің жолаушысы, 2009 жылы туған жасөспірім оқиға орнында қаза тауып, бір жолаушы мен жүргізуші ауруханаға жеткізілді. Қазіргі уақытта тергеу шаралары жүргізіліп жатыр", - деп хабарлады Атырау облыстық полиция департаментінің баспасөз қызметі.
Ведомство тұрғындарға жасөспірімдердің көлік жүргізуіне рұқсат бермеуді және түнде балаларды қадағалап отыруды ескертті.
Өзекті жаңалықтарды өз уақытында оқу үшін Facebook парақшамызға жазылыңыз!
М. Лес