Атырау облысының экс-әкімі жаңа қызметке тағайындалды
![Атырау облысының экс-әкімі жаңа қызметке тағайындалды](/userdata/news/news_77832/image_l.jpg)
Фото:
kmge.kz
Атырау облысының бұрынғы әкімі Махамбет Досмұхамбетов "ҚМГ Инжиниринг" ЖШС бас директорының бірінші орынбасары болып тағайындалды. Басқарма құрамындағы өзгерістер туралы мәлімет компанияның сайтында жарияланды, - деп хабарлайды Massaget.kz тілшісі.
Махамбет Досмұхамбетов "ҚМГ Инжиниринг" бас директорының өндіріс жөніндегі бірінші орынбасары қызметіне бүгін, 2023 жылғы 1 ақпаннан бастап кіріскен.
"ҚМГ Инжиниринг" басқармасының қазіргі құрамы мынадай:
- Мәлік Сәлімгереев – бас директор (Басқарма төрағасы);
- Махамбет Досмұхамбетов – басқарма мүшесі;
- Жәнібек Нұғманов – басқарма мүшесі;
- Асыл Жандәулетов – басқарма мүшесі;
- Ринат Хайретдинов – басқарма мүшесі;
- Бақыт Иманбаев – басқарма мүшесі;
- Рахым Өтеев – басқарма мүшесі.
Махамбет Досмұхамбетов 2019 жылғы желтоқсанынан 2022 жылғы сәуірге дейін Атырау облысының әкімі қызметін атқарды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан