Атырау облысында құтқарушылар 6 күн іздеген бала өзеннен өлі табылды

Фото: Мой ГОРОД

10 қараша 2023, 15:06

Атырау облысында 17 жастағы бала өлі табылды, - деп хабарлайды Massaget.kz тілшісі "Мой ГОРОД" басылымына сілтеме жасап.

Басылым мәліметінше, 3 қарашада 17 жастағы бала жаяу жүргіншілер көпірінен суға секіріп кеткен. Сол күні баланы іздеу жұмыстары басталған.

9 қарашада сағат 14.40-та құтқарушылар көпірден 80 метр жерден баланың денесін шығарған.

Атырау облысы Полиция департаментінің мәліметінше, Қылмыстық кодекстің 105-бабы бойынша сотқа дейінгі тергеу жүріп жатыр. Сот-медициналық сараптама тағайындалды.

Өзге ақпарат жариялауға жатпайды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

С. Сатыбалдина