Атырау облысында 6,4 миллион балық шабағы құтқарылды. Бұл туралы Ауыл шаруашылығы министрлігі мәлімдеме жасады, - деп хабарлайды Massaget.kz тілшісі.
Бақсай су арнасында балық шабақтарын құтқару жұмыстары жалғасып жатыр. Кейінгі мәліметтерге сәйкес құтқарылған балық шабақтарының жалпы саны 6,4 миллионға жетті.
Құтқару жұмыстарына 45 адам және 8 техника жұмылдырылды.
"Құтқарылған балық шабақтары тірі күйінде Жайық өзеніне жіберіліп жатыр. Құтқарылған балық түрлері - орташа салмағы 5-6 грамм болатын сазан және тұқы. Жағдай ерекше бақылауға алынған", - деді ведомство өкілдері.
Еске салайық, бұған дейін Атырау облысында жаппай балық қырылып жатқаны хабарланды.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова