Атырау мұнай өңдеу зауытына 6 миллион теңге айыппұл салынды

Атырау мұнай өңдеу зауытына 6 миллион теңге айыппұл салынды, - деп хабарлайды Massaget.kz тілшісі azh.kz-ке сілтеме жасап.

Атырау мұнай өңдеу зауытына (МӨЗ) атмосфералық ауаның сапасын бақылау станцияларында жол берілген заңбұзушылықтар үшін 6 миллион теңгеге жуық айыппұл салынды. Бұл туралы олыстық Техникалық реттеу және метрология комитетінің департаменті мәлімдеді.

Техникалық реттеу және метрология комитетінің Атырау облысы бойынша департаменті жүргізген тексеріс барысында өңірлік экология департаментінің өтініші негізінде тексерілмеген өлшеу құралдарын пайдаланғаны үшін ("өлшем бірлігін қамтамасыз ету туралы" ҚРЗ 19-бабының 1-тармағы) АМӨЗ ӘҚБтК 419-бабының 1-бөлігі бойынша әкімшілік жауапкершілікке тартылып, оған 1600 АЕК мөлшерінде айыппұл салынды.

Аптаның басты оқиғалары мен пайдалы видеоларды көру үшін YouTube арнамызға жазылыңыз