Атбасарда көлік жаяу жүргіншілерді қағып кетіп, төрт адам зардап шекті, - деп хабарлайды Massaget.kz тілшісі.
Ақмола облыстық Полиция департаменті мәліметінше, жол-көлік оқиғасы 12 сәуір, сенбіде болған. Mercedes маркалы көлік төрт адамды қағып кеткен.
"Жол-көлік оқиғасы салдарынан төрт жаяу жүргінші түрлі дене жарақаттарымен медициналық мекемеге жеткізілді", – делінген баспасөз қызметінің хабарламасында.
Қазіргі уақытта аталған факт бойынша соталды тергеу амалдары жүргізіліп жатыр. Тергеу нәтижесі бойынша процессуалдық шешім қабылданады.
Ал, Nayza Kokshe басылымының мәліметінше, жол апаты 1-ықшамауданда болған, зардап шеккендердің арасында кәмелетке толмаған екі жасөспірім бар.
Өзекті жаңалықтарды өз уақытында оқу үшін Facebook парақшамызға жазылыңыз!
Д. Шәріпхан