Астананың көлік көп жүретін көше қиылысында жол апаты болды

20 қазан, жексенбі күні кешке Астананың оң жағалауында жол-көлік оқиғасы тіркелді, - деп хабарлайды Massaget.kz тілшісі.

Екі жеңіл көлік оң жағалаудағы көлік көп жүретін көшелердің қиылысында соқтығысқан. Зардап шеккендер бар. Оқиғаның мән-жайын елордалық полиция департаментінің баспасөз қызметі хабарлады.

"20 қазан күні Renault Duster жүргізушісі тыйым салынған бағдаршам сигналында Кенесары көшесі мен Республика даңғылының қиылысында жүріп өтіп, Chevrolet Nexia көлігімен соқтығысты", - делінген хабарламада.

Жол-көлік оқиғасы салдарынан Chevrolet Nexia көлігіндегі жолаушы зардап шеккен.

Оқиға орнында полиция тобы жұмыс істеп жатыр, тергеу амалдары жүргізілген соң оқиғаның анық-қанығы хабарланатын болады. 

Өзекті жаңалықтарды өз уақытында оқу үшін Facebook парақшамызға жазылыңыз!