Астаналық ер адамның әйелді дүкенде ұрып-соққаны видеоға түсіп қалған

Астаналық әйелді дүкенде ұрып-соққан сәт видеоға түсіп қалған. Зардап шеккен әйел астаналық дүкендердің бірінде өзін қалай соққыға жыққаны түсірілген видеоны бөлісті, - деп хабарлайды Massaget.kz тілшісі.

Астаналық әйел бейнебақылау камерасының бейнежазбасын Instagram-дағы парақшасында бөлісті. 

Ол дүкенде баланы абайсызда қағып кеткенін айтты. Оның сөзінше, қыздың кешірім сұрағанына баланың әкесі агрессивті түрде жауап берген. Астана тұрғынының айтуынша, бала ұстаған ер адам оны балағаттап, боқтық сөздер айта бастаған. Артынша өзі оралып, тағы да ұрысып, кейін соңы төбелеске ұласқан.

Жазбадан ер адамның әйелді итеріп, оған физикалық күш қолданғанын көруге болады.

Ер адам әдепсіз сөздер айтқаны үшін 5 тәулікке қамауға алынған. Астана полиция департаменті оқиғаға қатысты тергеу басталғанын хабарлады.

"Денсаулыққа қасақана зиян келтіру фактісі бойынша қылмыстық іс қозғалды, оның қорытындысы бойынша процессуалдық шешім қабылданады", - деп хабарлады Астана полиция департаменті.

Посмотреть эту публикацию в Instagram

Публикация от Мереке Жексибаева🫐ПИТАНИЕ ДЕТЕЙ🫐ДОКАЗАТЕЛЬНЫЙ НУТРИЦИОЛОГ (@pro_prikorm_kz)

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!