Астанадағы түнгі клубта есірткі сатқандар ұсталды
![Астанадағы түнгі клубта есірткі сатқандар ұсталды](/userdata/news/news_80373/image_l.jpg)
Астаналық полицейлер түнгі клубта синтетикалық есірткі таратумен айналысқан 22 жастағы жас жігітті ұстады, - деп хабарлайды Massaget.kz тілшісі.
Күдіктінің жастар жиі уақыт өткізетін ойын-сауық мекемесінде жұмыс істегені анықталды. Ол тұрақты тұтынушылары бар клубта мефедрон сатуды ұйымдастырған.
"Астана прокуратурасының өкімінің аясында және оның келісуімен Астана есірткі қылмысына қарсы іс-қимыл басқармасының қызметкерлерімен кешенді жедел-іздестіру іс-шаралары барысында 22 жастағы елорда тұрғыны ұсталды.
Жеке тінту барысында жігіттің шұлығынан аса ірі мөлшердегі мефедрон есірткі заты тәркіленді. Ол Астана полиция департаментінің уақытша ұстау изоляторына қамалды", - делінген хабарламада.
Бұл дерекке қатысты соталды тергеу амалдары жүргізіліп жатыр. Ол мүлкі тәркіленіп, 6 жылдан 12 жылға дейін бас бостандығынан айырылуы мүмкін.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Г. Досымшалова