Астанада үш адам лифтіде тұрып қалды

Астанада үш адам лифтіде тұрып қалды. Оларға астаналық құтқарушылар көмектесті, - деп хабарлайды Massaget.kz тілшісі.

Төтенше жағдайлар министрлігінің хабарлауынша, кеше Нұра ауданындағы көпқабатты тұрғын үйлердің бірінде үш адам, оның ішінде екі бала лифт ішінде тұрып қалды.

"Шақырту орнына келген құтқарушылар лифт есігін лифт кілтінің көмегімен ашып, адамдарға шығуға көмектесті. Олар медициналық көмекке мұқтаж емес", - делінген хабарламада.

Ведомство лифтіде тұрып қалсаңыз, келесі ережелерді еске салды:

• алаңдамаңыз және көршілеріңізді тыныштандырыңыз;
• диспетчерге хабарласыңыз;
• барлық түймені қатарынан баспаңыз;
• лифт есіктерін өзіңіз ашуға тырыспаңыз;
• барлық сыртқы байланыс арналарын пайдаланыңыз.

Instagram парақшамызға жазылып, ең қызықты ақпараттарды бірінші болып оқыңыз!