Астанада стихиялық полигондардан 160 мың тоннадан астам қоқыс шығарылды

Елордада стихиялық рұқсат етілмеген полигондармен жүйелі күрес жалғасуда. 2024 жылдың басынан бастап елорданың бес ауданында рұқсат етілмеген полигондардың 221 орны анықталды. Олардан полигондарға 160 мың тоннадан астам қоқыс шығарылды, - деп хабарлайды Астана әкімдігінің ресми сайты.

Күн сайын қаланың барлық ауданында рұқсат етілмеген полигондардың болуына мониторинг жүргізіледі.

Мысалы, Алматы ауданы бойынша 115 учаске жойылып, 55 мың тоннаға жуық қоқыс (шамамен 8 мың рейс) шығарылды.

Байқоңыр ауданында 10 учаске жойылып, олардан 8 мың тоннаға жуық қоқыс шығарылды.
Есіл ауданы бойынша 18 орын жойылып, полигонға 20 мың тоннаға жуық қоқыс жөнелтілді.
Сарыарқа ауданы бойынша 39 стихиялық қоқыс орны анықталып, олардан 38 мың тоннаға жуық қоқыс шығарылды. Жұмыс жалғасуда.

Нұра ауданында жойылған 39 орыннан 40 мың тонна қоқыс шығарылды. Астанада рұқсат етілмеген қоқыс үйінділерінен қоқыс жинауға арналған қалалық ҚТҚ полигонының жанында уақытша алаң белгіленді, ол Алаш, 64 тасжолында орналасқан.

IKomek арқылы құрылыс алаңдарынан қоқысты шығару және рұқсат етілмеген орындарға шығару фактілері белгіленеді, құқық қорғау органдарымен бірлесіп рейдтік іс-шаралар жүргізіледі.

Жыл басынан бері жалпы пайдалану орындарын ластағаны үшін жалпы сомасы 136 млн теңгеден асатын 9 мыңға жуық құқықбұзушыға айыппұл салынды. Сонымен қатар қоқысты рұқсатсыз тастағаны үшін 161 жүк көлігінің жүргізушісі әкімшілік жауапкершілікке тартылып, 5 млн 200 мың теңгеден астам сомаға айыппұл салынды.

Заңсыз полигондарды жою жұмысы жалғасуда. Оның ішінде жаңа ошақтардың пайда болуына жол бермеу бойынша шаралар қабылданып жатыр.

Естеріңізге сала кетейік, "Таза Қазақстан. Астана - тазалық пен тәртіптің үлгісі" акциясы аясында қаланы санитарлық тазарту, нөсер және арық кәріздерін тазарту, көшелерді, тротуарларды, кварталішілік аумақтарды, қоғамдық кеңістіктер мен аулаларды тазалау жүргізілуде.

Сондай-ақ жасыл желектерді күтіп ұстау және отырғызу, сауда нысандарына іргелес аумақтарды жинау, рұқсат етілмеген полигондарды жою және т.б. жұмыстар жүргізілуде.
Сонымен қатар елордада Taza Astana жаңа әлеуметтік жобасы іске қосылды. Жоба құқықтық тәртіп, абаттандыру, көгалдандыру, санитарлық тазалау, көппәтерлі тұрғын үйлердің, үй жанындағы, кварталішілік және аула аумақтарының кірме топтарының тазалығы мәселелері бойынша жүйелі жұмыс істеуге бағытталған.

Астананың Ішкі саясат басқармасы ұсынған материал

Қызықты жаңалықтар мен видеоларды көру үшін TikTok арнамызға жазылыңыз!