Астанада тұрғын үй кешенінің ауласында қоғамдық тәртіпті бұзған екі азамат әкімшілік жауапкершілікке тартылды, - деп хабарлайды Massaget.kz тілшісі.
Әлеуметтік желілерде тұрғын үй кешенінің ауласындағы шалшық суда отырған екі ер адамның алкогольдік ішімдік ішіп, суды балаларға қарай шашып жатқан видеосы тарады. Желі қолданушылары видеоны «Несиесіз, ипотекасыз және жалдамалы пәтерсіз өмір» деген әзіл жазбамен бөліскен. Алайда бұл әрекет құқық қорғау органдарының назарынан тыс қалмады.
Тексеру нәтижесінде олардың 37 жастағы А. С. мен 35 жастағы В. Л. екені белгілі болды. Екеуі де ұсақ бұзақылық жасағаны үшін әкімшілік жауапқа тартылды.
Полиция қоғамдық орындарда мұндай әрекеттерге жол берілмейтінін ескертіп, азаматтарды қоғамдық тәртіпті сақтауға шақырды.
Аптаның басты оқиғалары мен пайдалы видеоларды көру үшін YouTube арнамызға жазылыңыз