Астанада пошта сәлемдемелерінен 4 рет есірткі табылған, - деп хабарлайды Massaget.kz тілшісі.
Пошта арқылы жіберілетін сәлемдемелерді иісшіл итпен тексеру кезінде 4 рет есірткі табылды.
Алматыдан келген 4,9 келі мефедрон тәркіленді. Сондай-ақ Батыс Аустралиядан жеткізілген үрлемелі матраста 914 грамм марихуана жасырылған. Осы іске қатысты 4 адам ұсталды.
Бұдан бөлек, Таиландтан келген сәлемдемеде 998,43 грамм кептірілген марихуана анықталды. Иран азаматының пәтерінен тінту кезінде Ұлыбританиядан пошта арқылы жіберілген 151,20 грамм кептірілген марихуана тәркіленді.
Осы істерге қатысты 6 есірткі таратушы ұсталып, оның ішінде 1 адам 10 жылға бас бостандығынан айырылды.
Қалғандарына қатысты тергеу әлі жүргізіліп жатыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!