Астанада Орталық саябақ аумағында көлік қозғалысы уақытша тоқтатылады, - деп хабарлайды Massaget.kz тілшісі.
Қалалық көлік және жол-көлік инфрақұрылымын дамыту басқармасының мәліметінше, 22 мен 23 мамыр аралығында аталған учаскеде орташа жөндеу жұмыстары жүргізіледі.
Қала тұрғындарынан уақытша қозғалыс өзгерістеріне түсіністікпен қарап, қала бойынша жүру бағыттарын алдын ала жоспарлауды сұрайды.
23–27 мамыр аралығында Айтматов көшесінен бастап Е-128 көшесіне дейінгі Қорғалжын тасжолының бір бөлігі жабылады. Қайсенов көшесі – Бұқар жырау көшесінен Тәуелсіздік даңғылына дейін: 20 сәуір – 20 тамыз аралығында жабық. Айналма жол ішкі аула жолдары арқылы ұйымдастырылған.
Күйші Дина көшесі – "Мирас" мектебінен Жұмабаев даңғылына дейін: 9 сәуір – 30 тамыз аралығында жөндеу жұмыстары жүргізіледі. Молдағалиев көшесі – Е-41 көшесінен Е-32 көшесіне дейін: 29 сәуір – 30 тамыз аралығында жабық.
Өзекті жаңалықтарды өз уақытында оқу үшін Facebook парақшамызға жазылыңыз!