Астанада мүгедек жандардан 10 миллионға жуық салық заңсыз өндірілген

Астанада мүгедектерден 10 миллион теңгеге жуық салық заңсыз өндірілгені белгілі болды, - деп хабарлайды Massaget.kz қалалық прокуратураның баспасөз қызметіне сілтеме жасап. 

Прокуратураның мәліметінше, 380 адам заңсыздықтың құрбаны болған. 

"Тексеру барысында 380 адамға 10 миллион теңгеге жуық салық төлемдерінің заңсыз есептелгені анықталды", - делінген хабарламада.

Сонымен қатар "Интерактивті қолжетімділік картасы" порталына мониторинг жүргізгеннен кейін 1683 әлеуметтік нысанның тек 800-і ғана қолжетімділікпен қамтамасыз етілгені белгілі болды.

Еске салайық, бұған дейін Жамбыл облысында алаяқ мүгедектігі бар адамның пәтерін заңсыз иемденіп алғанын хабарлаған болатынбыз. 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!