Астанада мерекелік отшашу ұйымдастырылды

Елорданың Триатлон саябағында Республика күніне арналған мерекелік отшашу өтті, - деп хабарлайды Massaget.kz тілшісі.

Отшашуды тамашалауға келгендердің қарасы қалың. Жалпы алғанда 10 мыңнан астам қала тұрғыны мен қонақтары жиналған екен. 4 минут ішінде аспанға биіктігі 30-дан 250 метрге дейін 2500 отшашу ұшырылды. 

Астана қаласы әкімдігінің дерегінше, отшашу жеке демеушілік қаражат есебінен ұйымдастырылған. 

Айта кетейік, бүгін елорда тұрғындары мен қонақтары үшін айтулы мерекеге орай концерттер, қойылымдар, көрмелер, спорттық іс-шаралар сияқты барлығы 100-ден аса іс-шара өтті.

Сондай-ақ бас қаладағы халықтың әлеуметтік осал топтарына 1 мыңнан астам азық-түлік себеті таратылды. 

Аптаның басты оқиғалары мен пайдалы видеоларды көру үшін YouTube арнамызға жазылыңыз